NATO Tramp və Zelenskini niyə eyni səhnədə görmək istəmir?

Washington Post yazır ki, 25 iyun tarixində Haaqa şəhərində keçiriləcək NATO sammitində təşkilatçılar ABŞ prezidenti Donald Tramp və Ukrayna prezidenti Volodimir Zelenskini ictimaiyyət qarşısında bir-birindən uzaq tutmağa çalışacaqlar.

“Tramp sammit çərçivəsində Zelenski ilə görüşə bilər, lakin NATO nümayəndələri onların ictimai şəkildə bir araya gəlməməsi üçün səy göstərirlər,” – deyə qeyd olunur.

Bu yanaşma, qəzetin sözlərinə görə, Trampın Ukrayna prezidentinə qarşı bəzi hallarda sərgilədiyi açıq və qəzəbli münasibətin tanındığını göstərir.

Digər tərəfdən, Barron's portalı yazır ki, Tramp və Zelenski arasında 25 iyunda Haaqa sammiti çərçivəsində görüş planlaşdırılır. Hazırda görüşün detalları müzakirə olunur. Politico isə xəbər verir ki, sammitdə Ukrayna ilə bağlı ayrıca sessiya nəzərdə tutulmur.

Gözlənilir ki, Zelenski Trampla Rusiya Federasiyasına qarşı mümkün sanksiyaları və Ukraynanın ABŞ-dan silah alışı məsələlərini müzakirə edəcək.

Ulusum.az