Politico Tramp və Zelenski görüşünün tarixini açıqladı

ABŞ Prezidenti Donald Tramp 25 iyun çərşənbə günü NATO sammiti çərçivəsində Hollandiyanın Haaq şəhərində Ukrayna Prezidenti Vladimir Zelenski ilə görüşəcək. Bu barədə ABŞ-ın Politico qəzeti Ağ Evdəki mənbəyə istinadla xəbər verib.

24 iyun tarixində Zelenski də NATO sammiti zamanı Trampla danışıqlar aparmaq niyyətində olduğunu açıqlayıb.

Eyni gün, Washington Post qəzeti üç Avropa rəsmisinə istinadən xəbər yayıb ki, NATO sammitində Avropa İttifaqının liderləri Trampı Ukraynaya ABŞ silahlarının satışını artırmağa inandırmaq istəyirlər.

NATO sammiti 24-25 iyun tarixlərində Haaqda keçirilir və əsas mövzuları müdafiə və sanksiyaların gücləndirilməsidir. Sammitdə alyans üzvləri ümumi büdcə xərclərini ÜDM-in 5%-inə çatdırmaq məqsədi güdürlər, bunun 3,5%-i birbaşa hərbi xərclərə, 1,5%-i isə digər dəstəklərə sərf olunacaq.

Ulusum.az