Blez Metrevelinin atası barədə yeni versiya

Britaniyanın Mİ6 – Gizli Kəşfiyyat Xidmətinin yeni rəhbəri Blez Metreveli-nin atası çox güman ki, Ukrayna əsilli Konstantin Metreveli (Dobrovolski) olub, — bu barədə RIA Novosti məlumat yayıb.

Agentliyin məlumatına görə, o, İkinci Dünya Müharibəsi zamanı Ukraynada anadan olub, Oksford və Kembric universitetlərində təhsil alıb, 1960-cı illərdə Birləşmiş Krallığın vətəndaşlığını alaraq radiologiya üzrə professor olub.

“Metreveli, yəqin ki, əvvəllər Dobrovolski soyadını daşıyıb: vətəndaşlıq almış şəxslərin siyahısında ‘Konstantin Dobrovolski, Metreveli kimi tanınır’ qeydinə rast gəlinir,” – deyə materialda bildirilir.

Məlumata əsasən, Konstantin Metreveli Honkonqda yaşayıb, yerli Çin Universitetində professor olub və Blez Metreveli də həmin bölgədə böyüyüb. Konstantin Metrevelinin həyat yoldaşının vəfatı ilə bağlı vida nitqlərində də Blezin adı çəkilir. Lakin RIA Novosti qeyd edir ki, Blez və Konstantin Metreveli arasında rəsmi qohumluq sənədlərlə təsdiqlənməyib.

Ulusum.az