"Dərin və dostluq bağları var"– Ərdoğan Trampla görüşə hazırlaşır

Türkiyə lideri Rəcəb Tayyib Ərdoğan bildirib ki, Türkiyə və ABŞ-ın müvafiq qurumları onun ABŞ prezidenti Donald Tramp ilə keçirəcəyi görüşün təşkili üzərində işləyirlər. Bu görüş ölkələr arasındakı münasibətlərin gedişatını müəyyən edə bilər.

Ərdoğan bu barədə jurnalistlərlə söhbətində danışıb:

“Cənab Tramp ilə ilk fürsətdə üzbəüz görüşəcəyik. Telefon danışığımız səmimi, məhsuldar və dostcasına keçdi. Ölkələrimiz arasındakı münasibətlər dərin və möhkəm köklərə sahibdir. Müzakirə etməli çox sayda mövzu və atmalı olduğumuz addımlar var. Buna görə də nazirliklərimiz, Türkiyə ilə ABŞ arasındakı münasibətlərin inkişaf yolunu müəyyən edəcək bu görüşün hazırlanması üzərində işləməyə davam edir”, — deyə Ərdoğan qeyd edib.

✍️"Ulusum".az