Oliver Stoun: Son üç ildə Qərbdən məyus oldum

Amerikalı rejissor Oliver Stoun son üç ildə Qərbdən ciddi şəkildə məyus olduğunu bildirib. Bu barədə o, “Bilik. Birincilər” adlı maarifləndirici marafon çərçivəsində danışıb, – RT xəbər verir.

Stounun sözlərinə görə, bu müddət ərzində o, Qərb təbliğatının nə olduğunu anlayıb. Rejissor qeyd edib ki, KİV-lər, “dərin dövlətlər” və sosial şəbəkələr daim Rusiya, Çin və İranı düşmən kimi təqdim edir.

“Hətta soyuq müharibə dövründə belə Rusiyaya bu qədər mənfi yanaşmırdıq”, – deyə Stoun bildirib.

Bundan əlavə, marafon zamanı rejissor Qərb siyasətçilərinin Ukraynaya verdiyi dəstəyi “xoşbəxt axmaqlıq” kimi xarakterizə edib. O, Ukrayna prezidenti Vladimir Zelenskinin Rusiyaya qarşı “xaç yürüşü” başlatmaq və azadlıq, demokratiya şüarları altında Üçüncü Dünya Müharibəsini qızışdırmaq çağırışlarını tənqid edib.

Stounun fikrincə, bu cür çağırışlar “dəliçəsinə qidalanan təkəbbürü” nümayiş etdirir.

✍️"Ulusum".az