Suriya İsraillə barışa yox dedi: "Əvvəlcə ABŞ ordusu çıxmalıdır"

Suriya Prezidenti Əhməd Əş-Şəraa BƏƏ, Bəhreyn, Mərakeş və Sudan kimi "İbrahim Razılaşmalarına" qoşulmaqdan imtina edib.

Amerikalı konqresmen Kori Millsin İsraillə münasibətlərin normallaşdırılması barədə sualına cavab olaraq Əhməd Əş-Şəraa bildirib ki, ilk növbədə ABŞ Suriyanın işlərinə müdaxiləni dayandırmalıdır, — deyə Levant24 agentliyi xəbər verir.

"Əvvəlcə onlar Suriyaya müdaxiləni, bombalamaları dayandırmalı və işğal etdikləri Suriya torpaqlarından ordularını çıxarmalıdırlar. Yalnız bundan sonra biz razılaşma imzalanması məsələsini müzakirə edə bilərik", — deyə prezident vurğulayıb.

O əlavə edib ki, "İbrahim Razılaşmalarını" imzalayan ölkələrin əraziləri İsrail tərəfindən işğal olunmayıb, Suriyada isə vəziyyət tam fərqlidir.

✍️"Ulusum".az