Bloomberg yazır ki, ABŞ Ukraynaya kibertəhlükəsizlik yardımını dayandırıb

ABŞ artıq Ukraynaya kibertəhlükəsizlik sahəsində bütün yardımları dayandırıb.

Bloomberg yazır ki, bu qərar Ukraynanın əsas sistemlərini kiberhücumlara qarşı daha həssas vəziyyətə salıb. Nəşrin məlumatına görə, texniki dəstək göstərən onlarla mütəxəssislə bağlanmış müqavilələr ya ləğv edilib, ya da dayandırılıb. Eyni zamanda, planlaşdırılan avadanlıq və proqram təminatı təchizatları da həyata keçirilməyib.

Bundan əlavə, qeyd olunur ki, ABŞ-ın DAI Global LLC şirkəti ilə 128 milyon dollar dəyərində olan və Ukraynanın kritik infrastrukturunu kiberhücumlara qarşı qorumağı nəzərdə tutan müqavilə 2020-ci ildə imzalanmış və 2026-cı ilin sentyabrınadək davam etməli idi. Lakin 2025-ci ilin yanvarında bu layihənin maliyyələşdirilməsi dayandırılıb.

✍️"Ulusum".az