Azərbaycan Kino Günləri İstanbulda keçiriləcək! 🎬

Azərbaycan Respublikası Hökuməti ilə Türkiyə Respublikası Hökuməti arasında mədəniyyət sahəsində əməkdaşlığa dair sazişə əsasən, 28–30 aprel 2025-ci il tarixlərində İstanbul şəhərində “Azərbaycan Kino Günləri” təşkil olunacaq.

Tədbir Azərbaycan Respublikasının Mədəniyyət Nazirliyi, Türkiyə Respublikasının Mədəniyyət və Turizm Nazirliyi və Azərbaycan Respublikasının Türkiyə Respublikasındakı Mədəniyyət Mərkəzinin birgə əməkdaşlığı çərçivəsində həyata keçirilir.

Kino Günləri çərçivəsində, son illərdə Mədəniyyət Nazirliyinin sifarişi ilə istehsal olunmuş Azərbaycan filmlərinin nümayişi baş tutacaq. Tədbirin açılış mərasimi İstanbul şəhərində yerləşən Atlas Cinemada həyata keçiriləcək.

Azərbaycan və Türkiyə film istehsalçıları və mütəxəssisləri arasında görüşlər keçiriləcək, birgə film istehsalı imkanları müzakirə olunacaq. Bu tədbir, iki ölkə arasında kino sahəsində əməkdaşlığın genişləndirilməsi istiqamətində atılan mühüm addımlardan biridir.



✍️ "Ulusum".az