Rubio Dövlət Departamentinin strukturunu gücləndirir

ABŞ-ın Dövlət katibi Marko Rubio çərşənbə axşamı Amerika xarici siyasət idarəsinin strukturunu yenidən qurmaq planı barədə açıqlama verib.

“Ulusum”.az xəbər verir ki, bu barədə Associated Press Dövlət Departamentinin yaydığı sənədə istinadən məlumat yayıb.

"Biz 21-ci əsrdə mübarizə apara bilmərik, əgər bürokratiya inqilabları boğur və məhdud resursları qeyri-rasional şəkildə bölüşdürürsə. Buna görə də Trampın rəhbərliyi altında və mənim göstərişimlə Dövlət Departamentinin yenidən qurulacağını elan edirəm“, — sənəddə Rubionun sözləri qeyd olunur.

Agentliyə görə, dəyişikliklərə ABŞ-dakı işçi heyətinin 15% azaldılması və dünya üzrə 100-dən çox ofisin bağlanması və birləşdirilməsi daxildir.

Associated Press, agentliyin mənbələrinə istinadən, daha əvvəl ABŞ-ın İdarəetmə və Büdcə İdarəsinin Dövlət Departamentinin büdcəsini təxminən 50% azaldaraq, bir sıra diplomatik missiyaları bağlamaq və BMT və NATO-nun qərargahının maliyyələşdirilməsindən imtina etməyi təklif etdiyini xatırladır.