İsveçrə Rusiya mediasına qarşı yeni sanksiyalar tətbiq edib

İsveçrə Rusiya mediasına qarşı sanksiya siyahısını genişləndirdi – Dövlətin İqtisadi Məsələlər üzrə Dövlət Katibliyinin (SECO) mətbuat xidmətinin məlumatına görə, siyahıya daha səkkiz media qurumu əlavə olunub. Bu məhdudiyyətlər Avropa İttifaqının tətbiq etdiyi sanksiyaların ardınca və eyni media qurumlarına qarşı həyata keçirilib.

Artıq sanksiya siyahısında Lenta.ru onlayn nəşri, "Zvezda" telekanalı, "Krasnaya Zvezda" qəzeti, eləcə də Eurasia Daily, News Front, SouthFront, RuBaltic.ru portalları və Strateji Mədəniyyət Fondu yer alır. Sanksiyalar 23 aprel tarixindən qüvvəyə minəcək.

24 fevral tarixində Aİ Rusiyaya qarşı 16-cı iqtisadi və fərdi sanksiyalar paketini elan etmişdi. Yeni sanksiyalar çərçivəsində bəzi media qurumlarının Aİ ərazisində fəaliyyət lisenziyalarının dayandırılması da nəzərdə tutulur. Bu qurumlar arasında yuxarıda adı çəkilən təşkilatlar da var.