Ukrayna: Putin öz sözlərinə əməl etməyəcək, 30 saatlıq atəşkəs bizi aldatmaz!

Ukraynanın xarici işlər naziri Andrey Sibiga Rusiya prezidenti Vladimir Putinin elan etdiyi Pasxa atəşkəsi ilə bağlı münasibət bildirib.

Sibiga bildirib ki, Ukraynanın mövqeyi dəyişməzdir: “Biz 11 martda Ciddədə ABŞ-ın təklif etdiyi 30 günlük tam atəşkəsi qeyd-şərtsiz qəbul etdik. Putin isə indi cəmi 30 saatlıq atəşkəsdən danışır. Təəssüf ki, onun sözləri tez-tez əməli ilə üst-üstə düşmür. Ona görə də sözlərə yox, əməllərə baxacağıq”, deyə Sibiqa öz X hesabında yazıb.

Nazir qeyd edib ki, Ukrayna real sülh istəyir, amma bunun üçün etibarlı tərəf müqabili olmalıdır.