Trampın nümayəndəsi Rusiya ilə gizli sazişin detallarını danışacaq

Amerikanın xüsusi nümayəndəsi Stiven Uitkoffun Rusiya rəsmiləri ilə növbəti görüşü hazırlanır.

Bu barədə mənbələrə istinadən CNN televiziya şirkəti məlumat yayıb.

Bildirilir ki, bu plan Parisdə Avropa və Ukrayna nümayəndələri ilə keçirilmiş danışıqlarda təqdim olunub.

Planda Krımın Rusiya ərazisi kimi tanınması və cəbhə xətti boyunca atəşkəsin təmin olunması nəzərdə tutulur.

ABŞ dövlət katibi Marko Rubio bu təklifləri artıq Rusiyanın xarici işlər naziri Sergey Lavrova çatdırıb.

Görüşlərin Londonda davam etdiriləcəyi gözlənilir. ABŞ tərəfi Moskvanı bu planı qəbul etməyə razı salmağa çalışacaq.