Dənizlərin sükutunda yeni silah: Pentaqon sualtı güc oyunu başladır

Pentaqon 1000 dəniz milindən artıq məsafəyə böyük yükləri daşıya biləcək sualtı pilotsuz aparat sifariş etməyi planlaşdırır.

“Ulusum”.az xəbər verir ki, bu barədə ABŞ Müdafiə Nazirliyinin Müdafiə İnnovasiyaları Bölməsinin (DIU) saytında məlumat verilir. Tədarük üçün müraciətlərin qəbulu 1 mayadək davam edəcək.

Vəzifənin şərtlərində qeyd olunur ki, mövcud sualtı dronlar bir çox əməliyyat tapşırıqlarını yerinə yetirmək baxımından qeyri-effektivdir. Pentaqon bu problemi həll edə biləcək kommersiya əsaslı bir həll axtarışındadır. Yeni sualtı PUA həmçinin kəşfiyyat aparmalı, GPS-in işləmədiyi şəraitdə fəaliyyət göstərə bilməli, batimetrik (dəniz dibi dərinliyi ölçmə) və xəritələşdirmə tədqiqatları həyata keçirməlidir.