Avropa İttifaqı İrana qarşı sanksiyaları sərtləşdirir

Aİ 7 iranlı hakimə və həbsxana sisteminin üzvlərinə, həmçinin iki təşkilata qarşı “insan hüquqlarının pozulmasına” və “etirazçıların repressiyasına” görə sanksiya tətbiq edib.

“Ulusum”.az xəbər verir ki, bu barədə Avropa İttifaqının rəsmi jurnalında dərc olunan Aİ Şurasının qətnaməsində qeyd olunub.

Sanksiyaya məruz qalan iki təşkilatdan biri ölkənin cənubundakı Şiraz şəhərindəki həbsxanadır. Bununla, digər sanksiyaya məruz qalan hüquqi şəxslərdə olduğu kimi, Avropa bizneslərinə, xüsusən də investisiya məqsədləri üçün hər hansı əlaqə qadağan edilir və Avropa banklarındakı həbsxana aktivləri dərhal dondurulur.

“Qara siyahı”ya daxil olan şəxslərin də Aİ-yə girişi qadağan edilib. Sanksiyalar dərc edildiyi andan qüvvəyə minir.