Trampdan İrana xəbərdarlıq: Nüvə silahı olmayacaq!

ABŞ-ın sabiq prezidenti Donald Tramp bir daha İranla bağlı sərt mövqeyini ortaya qoyub.

“Ulusum”.az xəbər verir ki, Vaşinqtonda El Salvador prezidenti Nayib Bukele ilə görüş zamanı jurnalistlərin suallarını cavablandıran Tramp, İranın nüvə silahı əldə etməsinə qarşı qətiyyətli olduqlarını bildirib.

“Onların nüvə silahı ola bilməz. Bu, çox sadə məsələdir. Onlar bu məsələdə tez hərəkət etməlidirlər,” – deyə Tramp bildirib və əlavə edib ki, “əgər çox sərt bir şey etməliyiksə, biz bunu edəcəyik”.

Sual verildikdə ki, bu tədbirlərə İranın nüvə obyektlərinə zərbələr də daxildirmi, Tramp qısa və açıq cavab verib: "Əlbəttə."