Ukraynada ümumi hərbi xidmət təklifi

Ukrayna Prezident Aparatı rəhbərinin müavini Pavel Palisa İsrail nümunəsinə əsaslanaraq, ölkədə ümumi hərbi xidmətin tətbiq edilməsini təklif edib.

O bildirib ki, İsraildə olduğu kimi, qadınlar da daxil olmaqla bütün vətəndaşların hərbi xidmət keçməsi vacibdir.

Palisanın sözlərinə görə, Ukrayna bu təcrübəni mənimsəməli və insanlara xidmətin məcburi olduğunu anlatmaq üçün keçid dövrünü düzgün planlaşdırmalıdır. O qeyd edib ki, bu anlayış sadəcə konstitusiyaya əsaslanmamalı, həm də praqmatik səbəblərlə dəstəklənməlidir.

Bundan əlavə, o vurğulayıb ki, hərbi xidmətdən imtina edənlər üçün dövlət xidmətlərinə və dövlət qulluğunda işə qəbul imkanlarına məhdudiyyətlər tətbiq oluna bilər.