12 Aprel dünyada Kosmonavtika Günü

12 Aprel dünyada Kosmonavtika Günü kimi qeyd olunur və bu tarix insanlığın kosmosa ilk addım atdığı gündür.

1961-ci ilin məhz bu günündə sovet kosmonavtı Yuri Qaqarin "Vostok-1" kosmik gəmisi ilə Yer orbitinə çıxaraq tarixdə ilk kosmosa uçan insan olub.

Bu hadisə elmin, texnologiyanın və insan cəsarətinin zirvəsi kimi qəbul olunur. Qaqarinin "Gəlin gedək!" (Поехали!) ifadəsi kosmik dövrün başlanğıcını simvolizə edir. O vaxtdan etibarən kosmos sadəcə xəyalların deyil, real elmi araşdırmaların mərkəzinə çevrilib.

12 Aprel bu sahədə çalışan elm adamlarını, mühəndisləri və qəhrəman astronavtları yad etmək üçün mühüm gündür.


Eyni zamanda keçmiş “Azərkosmos” rəhbəri, hazırda Rəqəmsal İnkişaf və Nəqliyyat naziri olan Rəşad Nəbiyev 12 Aprel – Ümumdünya Aviasiya və Kosmonavtika Günü münasibətilə şəxsi Facebook səhifəsində paylaşım edib. O, qeyd edib ki, Azərbaycanın müasir kosmik tarixi 2008-ci ildən başlayır və bu illər ərzində ölkəmiz bu sahədə əhəmiyyətli uğurlar əldə edib. Azərbaycan artıq beynəlxalq kosmik tədbirlərə ev sahibliyi edir və milli kosmik ekosistemini davamlı şəkildə inkişaf etdirir. Bütün bu nailiyyətlər ölkəmizin kosmos sahəsində qlobal miqyasda nüfuzunun artdığını göstərir. Rəşad Nəbiyev bu irəliləyişləri həm texnoloji tərəqqinin, həm də uzaqgörən strateji yanaşmanın nəticəsi kimi qiymətləndirib.


R.İkramlı