Avropa sülh istəyir, yoxsa müharibənin davamını?

Avropa İttifaqının Ukrayna ilə bağlı son üç ildə həyata keçirdiyi siyasi kurs artıq özünü doğrultmur – bu sözləri Macarıstanın xarici işlər və xarici iqtisadi əlaqələr naziri Peter Sijarto deyib.

“Ulusum”.az xəbər verir ki, o, TASS agentliyinə açıqlamasında Aİ-nin bu strategiyasını “tam iflas” adlandırıb və onun Avropa iqtisadiyyatına, xalqa və bütövlükdə regiona ciddi ziyan vurduğunu vurğulayıb.

Nazirin sözlərinə görə, Avropa liderləri bu uğursuz kursun nəticələrini ödəməkdənsə, onu uzatmaq və zaman qazanmaq yolunu seçirlər. Və təəssüf ki, bu siyasət sülhü deyil, müharibənin davamını təşviq edir.

Peter Sijarto eyni zamanda qeyd edib ki, Macarıstan ABŞ kimi sülh tərəfdarıdır və münaqişənin danışıqlar yolu ilə həll olunmasını istəyir.

Bu mövzuya toxunan irlandiyalı jurnalist Çeyz Bouz da bildirib ki, Rusiya danışıqlara hazırdır, lakin Avropanın bəzi ölkələri Ukraynadakı döyüşlərin davam etməsini açıq şəkildə istəyir. Onun sözlərinə görə, Avropanın müharibəni dayandırmaq istəməməsi artıq gizlədilmir və bu, getdikcə daha aydın görünür.