Tramp: Mətbuat Ərdoğanı bəyəndiyim üçün narahatdır, amma mən onu sevirəm

“Ulusum”.az xarici mətbuata istinadən xəbər verir ki, ABŞ prezidenti Donald Tramp Ağ Evdə İsrailin baş naziri Benyamin Netanyahu ilə görüşərkən Türkiyənin Suriyadakı roluna xüsusi vurğu edib.

O, həmçinin prezident Rəcəb Tayyib Ərdoğanla olan yaxşı münasibətlərini qeyd edərək, "O, çox güclü və ağıllı bir insandır" deyib.

Tramp bildirib: "Mənim Ərdoğanla çox yaxşı münasibətim var. Bilirəm ki, mətbuat Ərdoğanı bəyəndiyim üçün narahatdır, amma mən onu sevirəm, o da məni sevir və aramızda heç vaxt problem olmayıb".

O, Türkiyənin Suriyada əhəmiyyətli bir addım atdığını vurğulayıb: "Ərdoğan çox güclü və ağıllı bir adamdır. Heç kimin edə bilmədiyini Suriyada etdi. Ona bunun üçün təşəkkür etməliyik".