Tramp İsrail-Türkiyə fikir ayrılıqlarını həll edəcəyinə söz verib

"ABŞ İsrail və Türkiyə ilə birlikdə Suriya məsələsində razılığa gələ biləcək".

“Ulusum”.az xarici mətbuata istinadən xəbər verir ki, bunu ABŞ prezidenti Donald Tramp Ağ Evdə İsrailin baş naziri Benyamin Netanyahu ilə görüşündə jurnalistlərin suallarını cavablandırarkən deyib.

“Və mən [İsrailin] baş nazirinə dedim ki, bəlkə sizin Türkiyə ilə problemləriniz varsa, mən həqiqətən də onları həll edə biləcəyimi düşünürəm: “Bilirsiniz, mənim Türkiyə və onun lideri ilə çox, çox yaxşı münasibətim var”.

"Düşünürəm ki, biz bunu həll edə bilərik. Ümid edirəm ki, bu problem olmayacaq. "Mən bunun problem olacağını düşünmürəm" dedi prezident.