Duisburq şəhərində təhdidlərə görə bütün məktəblər bağlanacaq

Bazar ertəsi Almaniyanın Duysburq şəhərində 5-13-cü siniflərdəki bütün dövlət məktəbləri e-poçt vasitəsilə göndərilən təhdidlərə görə bağlanacaq.

Bu barədə Bild qəzeti hüquq-mühafizə orqanlarına istinadən məlumat yayıb.

Polis izah etdi ki, aldıqları məktublar zorakı cinayət törətmək və məktəblərdən birini “təmizləmək” planlarından bəhs edir. Bununla əlaqədar ən azı 13 təhsil müəssisəsinin müvəqqəti bağlanması barədə qərar qəbul edilib. Dərslər məsafədən keçiriləcək.