Ölümcül epidemiya Texas valideynlərini qorxudur

Texasın qərbində yüksək yoluxucu qızılca virusunun yayılması artıb, nəticədə ikinci uşaq həyatını itirib.

Uşağın peyvənd olunmadığı və sağlamlıq problemi olmadığı bildirilib.

Bu hadisə peyvəndin vacibliyini bir daha vurğulayıb. Ştatda bu il 480-dən çox qızılca halı qeydə alınıb, epidemiya qonşu ştatlara da yayılıb.

Qızılca, qırmızı səpgi, öskürək və digər simptomlarla yanaşı pnevmoniya, beyin şişməsi və ölüm kimi ağırlaşmalara səbəb ola bilər. ABŞ 2000-ci ildə qızılcanın ləğv edildiyini elan etsə də, peyvənd əleyhinə əhval-ruhiyyənin artması ilə epidemiyalar yenidən yayıldı.

Təhlükəsizliyi sübuta yetirilmiş iki peyvənd virusun qarşısını almaqda 97% effektivdir, amma peyvənd əleyhinə dini icmaların təsiri ilə nisbətlər hələ də aşağıdır. Əhalinin 95%-i peyvənd olunmalı ki, sürü toxunulmazlığı əldə edilsin. Texasın qərbində isə peyvənd nisbətləri artmaqda çətinlik çəkir.

R.İkramlı