Almaniya qızıllarının ABŞ-dan geri qaytarılmasını düşünür

“The Daily Telegraph” yazır ki, Almaniya ABŞ-dan qızıllarının qaytarılması məsələsini müzakirə edir. Söhbət 113 milyard avro (10,4 trilyon rubl) dəyərində 1200 ton qızılın qaytarılmasından gedir.

Nəşrin məlumatına görə, belə bir təşəbbüs Almaniyanın növbəti hökumətinə rəhbərlik edəcək mühafizəkar Xristian Demokrat İttifaqı (CDU) partiyasının liderləri tərəfindən müzakirə edilir. Almaniya rəsmiləri hesab edirlər ki, ABŞ-ı etibarlı tərəfdaş hesab etmək olmaz. Bundan əlavə, Berlin Vaşinqtonun tariflər və onun “gözlənilməz siyasətləri” ilə bağlı təzyiqinə bu şəkildə cavab vermək istəyir.