ABŞ Maliyyə Naziri Trampın rüsumlarına cavab verməməyə çağırıb

ABŞ-ın maliyyə naziri, Donald Trampın xarici mallara qoyduğu misli görünməmiş rüsumlara qarşı digər ölkələri reaksiyalarından çəkinməyə çağırıb.

“Ulusum”.az xəbər verir ki, Fox News-a verdiyi müsahibədə nazir, belə bir gərginliyin xüsusilə ticarət müsbət balansı olan ölkələr üçün ciddi fəsadlar yarada biləcəyini bildirib.

"Ticarət tarixinin xüsusiyyətləri belədir ki, biz defisitli ölkəyik. Kəsiri olan ölkənin bir üstünlüyü var. Onlar isə profisitli ölkələrdir. Ənənəvi olaraq, profisitli ölkələr hər zaman ticarət gərginliyində uduzarlar", – deyə maliyyə naziri qeyd edib.

O, sözlərinə əlavə edərək, "Bu anda hər bir ölkəyə məsləhətim budur – intiqam almayın. Bunu qəbul edin və sadəcə izləyin. Çünki cavab versəniz, vəziyyət daha da gərginləşər", – deyə o bildirib.