Jan-Klod Van Damm insan alverində ittiham olunub

"Hotnews" portalının məlumatına görə, Belçika əsilli amerikalı aktyor Jan-Klod Van Damm, Rumıniyada insan alveri ilə məşğul olan cinayətkar şəbəkə ilə bağlı açılmış cinayət işində müttəhim olub. Hadisələrin baş verdiyi dövr təxminən 10 il əvvələ təsadüf edir, “Ulusum”.az RBK -a istinadən xəbər verir.

Cinayətlər Kannda baş verib və Van Dammın ittiham olunduğu əməllərdən biri, zorla istismara məruz qalan şəxslərin cinsi xidmətlərindən istifadə etməkdir. Bu barədə zərərçəkmişlərdən birinin vəkili məlumat verib.

Hadisələr aktyorun Kannda olduğu vaxtlarda baş verib. Van Damm həmin dövrdə, fahişəliyə məcbur edilən beş Rumıniya mənşəli qadının xidmətlərindən istifadə edib. İddialara görə, bu qadınları aktyora təqdim edən şəxs, EuroDemos qeyri-hökumət təşkilatının prezidenti və model agentliyinin sahibi, işadamı Morel Bolya olub.