Salyan rayonunda “Yaşıl dünya naminə həmrəylik ili” çərçivəsində ağacəkmə aksiyası davam etdirilir

Prezident İlham Əliyevin Azərbaycanda 2024-cü ilin “Yaşıl dünya naminə həmrəylik ili” elan edilməsi haqqında Sərəncamına uyğun olaraq bu gün Salyan rayon A. Kərimov adına Boranıkənd kənd ümumi orta məktəbin ərazisində ağacəkmə aksiyası keçirilib. Təşkil edilən aksiyada məktəbin direktoru Nərgiz Cavadova, məktəbin müəllim və şagirdləri ilə yanaşı Şorsulu kənd inzibati ərazi nümayəndəsi Fuad Qəhrəmanov da iştirak edib. Aksiya çərçivəsində ümumilikdə 100-ə yaxın müxtəlif növ həmişəyaşıl ağac və dekorativ gül kolları əkilib. Eyni zamanda əvvəl əkilən ağac tinglərinə aqro-texniki qulluq göstərilib və yenidən suvarılması təmin edilib. Qeyd edək ki, Tədbirlər Planına uyğun olaraq Salyan rayonunda ağacəkmə aksiyası oktyabr ayının sonunadək davam edəcək.



Eltun Məmmədov