Saatlıda I Qarabağ müharibəsinin şəhidi Namiq Cəfərov dəfn edildi

Tərtər şəhərindəki Şəhidlər xiyabanında naməlum şəhid kimi dəfn edilmiş Birinci Qarabağ müharibəsində itkin düşmüş hesab olunan Namiq Balaxan oğlu Cəfərovun meyitinin qalıqları Saatlı şəhərinə gətirilib. 32 ildən sonra doğma yurda gətirilən şəhidlə vida mərasimi keçirilib. Daha sonra şəhidin nəşi dəfn üçün Saatlı qəbirstanlığına gətirilib. Dəfn mərasimində şəhidin ailə üzvləri, yaxınları ilə yanaşı, hökumət və ictimaiyyət nümayəndələri, rayon sakinləri, qazilər, şəhid ailələri, döyüş yoldaşları, media nümayəndələri iştirak ediblər. Dəfn zamanı şəhidlərimizin ruhuna dualar oxunub və “Şəhidlər ölməz, Vətən bölünməz” şüarı səsləndirilib. Şəhid Namiq Cəfərov torpağa tapşırılıb. Qeyd edək ki, Cəfərov Namiq Balaxan oğlu 1973-ci ildə Saatlı şəhərində dünyaya göz açıb. Vətənin dar günündə isə könüllü olaraq döyüşlərə qoşulub. 1992-ci ildə Ağdərə rayonu ərazisində gedən döyüşlər zamanı Namiq şəhid olub və Tərtər şəhidlər xiyabanında naməlum şəhid kimi dəfn edilən şəhidlərimizindən biri olub.

Eltun Məmmədov