İstanbulda müxalifət partiyasının qərargahı önündə iğtişaşlar baş verib

İstanbulda Türkiyənin əsas müxalifət partiyası olan Xalq Cümhuriyyət Partiyasının (CHP) qərargahı qarşısında iğtişaşlar başlayıb. Etirazlara şəhər təşkilatının mövcud rəhbərliyinin məhkəmə qərarı ilə vəzifədən uzaqlaşdırılması səbəb olub.

Qarşıdurma, hakim partiyanın nümayəndəsinin seçilmiş rəhbərlik əvəzinə “etibarlı şəxs” qismində təyin olunması ilə alovlanıb. Məhkəmənin mübahisəli qərarı elan olunduqdan sonra polis qüvvələri partiya qərargahının binasını tam mühasirəyə alıb.

Türkiyə mediasının məlumatına görə, etirazçılar polis səddini yarmağa cəhd ediblər, bu isə kütləvi toqquşmalara səbəb olub. Hüquq-mühafizə orqanları mühasirəni yarmaq istəyən nümayişçiləri dağıtmaq üçün güc tətbiq edib.

Ulusum.az