ABŞ-da zibil qaydalarını pozanlara sərt cəzalar

ABŞ-da bəzi əşyaları adi zibil qutusuna atmaq qanunla qadağandır.

Ulusum.az xəbər verir ki, The Sun US nəşri üçün yazan jurnalist Joseph Brogan ABŞ-da bəzi məişət və texniki əşyaların adi zibil qutularına atılmasının qanunla qadağan olunduğunu və bu qaydaların pozulmasına görə yüksək cərimələrin tətbiq edildiyini bildirib.

Onun sözlərinə görə, bir çox ev sahibi bu qaydalar barədə kifayət qədər məlumatlı deyil. Qadağalar əsasən ətraf mühit və insan sağlamlığı üçün risk yaradan əşyaları əhatə edir.

Bu tip tullantıların düzgün atılmaması torpaq və su ehtiyatlarının çirklənməsinə səbəb olur. Qanunvericilik həmin əşyaların xüsusi məntəqələrdə təhvil verilməsini tələb edir.

Ştatlara görə cərimələrin məbləği fərqli olsa da, bəzi hallarda minlərlə dollara çata bilir. Mütəxəssislər sakinlərə tullantıların utilizasiyası ilə bağlı yerli qaydaları yoxlamağı tövsiyə edirlər.
Qeyd olunur ki, düzgün utilizasiya həm ekoloji təhlükəsizliyə, həm də cərimələrdən yayınmağa kömək edir.

Ulusum.az
R.Daşdəmirova