“Təbii Qaymaq” Aldığınızı Sandınız? – Sosial Şəbəkələrdə Süni Süd Oyunu Aşkarlandı

Sosial şəbəkələrdə "təbii" adı ilə satılan süd məhsullarının arxasında süni tərkib, sənədsiz satış və təhlükəli çatdırılma üsulu!

Azərbaycan Qida Təhlükəsizliyi Agentliyinə daxil olan şikayət əsasında Masazırda aparılan yoxlama nəticəsində “TikTok” və “Instagram”da reklam edilən süd məhsullarının əslində tərkibində quru süd və süd yağı əvəzediciləri olduğu müəyyən edilib.

Satıcılar bu məhsulları istehsalçılardan alaraq etiketləri çıxarıb “təbii” adı ilə sənədsiz şəkildə təqdim ediblər. Daha da təhlükəlisi – bu məhsullar soyuducu olmayan minik avtomobilləri ilə daşınıb və bu, ciddi qida təhlükəsizliyi riski yaradır.

AQTA tərəfindən qanunsuz satış dayandırılıb, məsələ ilə bağlı tədbirlər görülüb.

✍️"Ulusum".az