Elşad Hacıyev: Kiberdələzduzluğa görə zərərçəkmiş heç kimin 1 dolları belə geri qayıtmayıb

Medianın İnkişafı Agentliyinin təşkilatçılığı ilə keçirilən “İctimai proseslər media müstəvisində” II Forum çərçivəsində “Təhlükəsiz rəqəmsal media mühiti: məlumatlı istifadəçilər” mövzusunda panel sessiyada Daxili İşlər Nazirliyinin Mətbuat xidmətinin KİV və ictimaiyyətlə əlaqələr şöbəsinin rəisi, polkovnik-leytenant Elşad Hacıyev kiberdələduzluqla bağlı aktual məsələlərə toxunub.


Elşad Hacıyev bildirib ki, kiberdələduzluq nəticəsində zərərçəkmiş şəxslərin vəsaitləri, əgər Azərbaycanda yerləşirsə, müəyyən edilə bilər. Lakin vəsaitlər ölkə xaricinə çıxarılıbsa, onların geri qaytarılması çətinləşir və əksər hallarda mümkün olmur. Bu səbəbdən, kiberdələduzluq hallarında vəsaitin geri qaytarılması nadir hallarda baş verir.

O, həmçinin vurğulayıb ki, kiberdələduzluq hallarına müəllimlər, həkimlər və yüksək vəzifəli şəxslər də məruz qalır. Bankların təhlükəsizlik sistemlərində problem olmadığını qeyd edən Hacıyev, əsas məsuliyyətin istifadəçilərin diqqətli olmamasından qaynaqlandığını bildirib. O, vətəndaşları kiberdələduzluq hallarında dərhal hüquq-mühafizə orqanlarına müraciət etməyə çağırıb.

✍️"Ulusum".az