“e-Sosial” Portalına Maraq Artmaqdadır: I Rübdə 3,3 Milyon İstifadə 💻📊

2025-ci ilin birinci rübündə Əmək və Əhalinin Sosial Müdafiəsi Nazirliyinin "e-sosial" internet portalından 3,3 milyon dəfə istifadə olunub.

2019-cu ildə istifadəyə verilən bu portal, vətəndaşlara əmək müqavilələri, fərdi uçot, pensiya kapitalı və sosial təminat kimi məlumatlara çıxış imkanı yaradır.

Eyni zamanda, pensiya, müavinət, təqaüd, əlillik, reabilitasiya və məşğulluq kimi sahələrdə 30-dan çox elektron arayışın əldə olunmasına şərait yaradır.

Hazırda portaldan qeydiyyatdan keçmiş aktiv istifadəçilərin sayı 2 milyon 325 minə çatıb.

"E-sosial" portalı, vətəndaşlara sosial-əmək hüquqlarının təminatına nəzarət imkanı verərək, ölkənin sosial reyestri kimi mühüm rol oynayır.

✍️"Ulusum".az