Milli Xalça Festivalı - İçərişəhərdə✨

4–5 may tarixlərində İçərişəhər, Azərbaycanın ilk *Milli Xalça Festivalı*na ev sahibliyi edəcək. “İçərişəhər” Dövlət Tarix-Memarlıq Qoruğu İdarəsi və “Azərxalça” ASC-nin təşkilatçılığı ilə baş tutacaq bu möhtəşəm tədbir, xalçaçılıq sənətimizin qədim ənənələrini və müasir nəfəsini bir araya gətirəcək.

Festivalda eksklüziv sərgilər, xalçatoxuma üzrə ustad dərsləri, interaktiv teatr tamaşaları, muğam gecələri, konsertlər və yarmarkalar ziyarətçilərə təqdim olunacaq. İçərişəhərin küçələri xalçalarla bəzənəcək, sənət və tarix bir araya gələcək.

Azərbaycan xalçaçılığının UNESCO-nun Qeyri-maddi mədəni irs siyahısına daxil olunmasına həsr edilən bu festival, hər yaşdan sənətsevəri unudulmaz anlarla qarşılayacaq.

👏"Ulusum".az