Fərid Qayıbov “23 Nisan” bayramı çərçivəsində türk dünyasının gəncləri ilə görüşüb

Aprelin 23-də gənclər və idman naziri Fərid Qayıbov “Türk dünyası çocukları ile 23 Nisan kutlamaları” proqramının iştirakçıları ilə görüş keçirib. Görüşdə Antalya Gənclik Xidmətləri müdiri Mehmet Ünlü, Antalya Gənclər Evlərinin nümayəndələri, gənc liderlər və yeniyetmələr iştirak ediblər.


Nazir çıxışında qonaqları salamlayaraq, Uşaq Bayramı münasibətilə təbrik edib, proqramın məqsədini yüksək qiymətləndirib və iştirakçılara uğurlar arzulayıb. Qonaqlar da öz növbəsində göstərilən qonaqpərvərliyə görə təşəkkür edərək, tədbirin əhəmiyyəti və məzmunu barədə məlumat veriblər.

21-25 aprel tarixlərini əhatə edən proqramın əsas məqsədi Milli Suverenlik və Uşaq Bayramını qardaş ölkədə qeyd etmək və türk dünyasının gəncləri arasında dostluq və əməkdaşlıq əlaqələrini gücləndirməkdir.



✍️ "Ulusum".az