Əmək və Əhalinin Sosial Müdafiəsi Nazirliyində yeni kadr dəyişikliyi

Əmək və Əhalinin Sosial Müdafiəsi nazirinin əmri ilə Ramin Alik oğlu Rzayev Dövlət Tibbi-Sosial Ekspertiza və Reabilitasiya Agentliyinin İdarə Heyətinin sədri vəzifəsinə təyin edilib.

Ramin Rzayev 1977-ci ildə dünyaya gəlib. O, 2000-ci ildə Türkiyənin Ankara Universitetində Hüquq fakültəsini bitirib. Peşəkar fəaliyyətinə müxtəlif sahələrdə rəhbər vəzifələrdə çalışmaqla başlayıb. 2003–2018-ci illərdə Prezidentin Xüsusi Tibb Xidmətinin tabeliyində fəaliyyət göstərən “Mərkəzi Klinika”da Hüquq şöbəsinin müdiri və Təftiş Departamentinin sədri olub. 2019–2021-ci illərdə isə “Azeract Consulting” MMC-yə rəhbərlik edib.

2021-ci ildən bu günə qədər Agentlikdə sədr müavini kimi çalışaraq, qurumun fəaliyyətində fəal iştirak edib. İndi isə o, Agentliyin rəhbəri kimi fəaliyyətini davam etdirəcək.

✍️ "Ulusum".az