Bakı-Ankara: Ali Məhkəmələr arasında təcrübə mübadiləsi

2025-ci ilin 5-10 aprel tarixlərində Türkiyəyə səfər edən Azərbaycan Respublikası Ali Məhkəməsinin Kommersiya kollegiyasının sədri Kəmalə Abiyevanın başçılıq etdiyi nümayəndə heyəti, Türkiyə Ali Məhkəməsi ilə təcrübə mübadiləsi proqramı çərçivəsində müxtəlif görüşlər keçirib. Səfər zamanı nümayəndə heyəti Türkiyə Ali Məhkəməsinin sədri Ömər Kərkəz və Baş prokuror Muhsin Şentürk tərəfindən qəbul edilib. Görüşlərdə iki ölkənin məhkəmə-hüquq sahəsində əməkdaşlığının inkişafı müzakirə olunub və iki qardaş ölkənin əməkdaşlığının əhəmiyyəti vurğulanıb.

Türkiyədəki həmkarları ilə mübahisələrin həlli üsulları və məhkəmə təcrübələri barədə fikir mübadiləsi aparılıb, xüsusilə korporativ mübahisələr, podrat mübahisələri və arbitraj prosesləri müzakirə olunub. Əlavə olaraq, xarici elementli kommersiya mübahisələrinə və beynəlxalq səlahiyyətə dair təcrübələr müzakirə edilib.

Səfər çərçivəsində nümayəndə heyəti Mustafa Kamal Atatürkün məqbərəsi olan Anıtqəbiri ziyarət edib və Azərbaycanın Ümummilli Lideri Heydər Əliyevin abidəsini də Ankara şəhərində ziyarət ediblər.