Antalyada mədəniyyətin qlobal rolu müzakirə olundu: Birləşdirici, yoxsa bölücü?

Antalyada keçirilən IV Antalya Diplomatiya Forumunda mədəniyyətin rolu da əsas müzakirə mövzularından biri olub. Forum çərçivəsində keçirilən “Müasir dünyada mədəniyyətin rolu: Birləşdiricimi, bölücümü?” adlı paneldə müxtəlif ölkə və təşkilatların nümayəndələri iştirak ediblər. Paneldə TÜRKSOY-un baş katibi Sultan Rayev, Türk Akademiyasının prezidenti Şahin Mustafayev, ŞƏT-in Baş katibi Nurlan Yermekbayev və digər beynəlxalq ekspertlər çıxış ediblər. Natiqlər mədəniyyətin həm icmaları birləşdirən, həm də müəyyən hallarda ayrılıqlara səbəb olan gücə malik olduğunu bildiriblər.

Onlar qeyd ediblər ki, mədəniyyət kollektiv mənsubiyyət hissi yaratmaqla yanaşı, fərqliliklərdən doğan çətinlikləri də üzə çıxara bilər. Bu səbəbdən, mədəniyyətin təsiri dərin şəkildə araşdırılmalı və düzgün yönləndirilməlidir. Paneldə qlobal səviyyədə artan parçalanmalar fonunda mədəniyyətin roluna daha diqqətlə yanaşmağın vacibliyi vurğulanıb. İştirakçılar həmrəylik və anlaşma naminə mədəniyyətlərarası dialoqun gücləndirilməsinin önəmini qeyd ediblər.