Qəhrəmanlarımızı Hər Zaman Yad Edək

Azərbaycan Silahlı Qüvvələrinin giziri Nurlan Əsgərov 03 dekabr 1995-ci ildə Masallı rayonu Kalinovka kəndində anadan olub. 2014-cü ilin yanvar ayında Masallı rayon Hərbi Komissarlığından həqiqi hərbi xidmətə çağırılıb.



N. Əsgərov 2015-ci ilin iyul ayında həqiqi hərbi xidmətini başa vurduqdan sonra müddətdən artıq xidmət etmək üçün könüllü olaraq baş əsgər rütbəsində hərbi xidmətini davam etdirib. 04 aprel 2016-cı il tarixində cəbhənin təmas xəttində gedən gərgin döyüş zamanı xidməti borcunu yerinə yetirərkən qəhrəmancasına şəhid olub. Aprelin 5-də isə Nurlan Əsgərov doğulduğu Masallı rayonunun Kalinovka kəndində son mənzilə yola salınıb. Ölümündən sonra “Hərbi xidmətdə fərqlənməyə görə” III dərəcəli medalı ilə təltif edilib.



Masallı rayonunda şəhid Nurlan Bayram oğlu Viləş kəndində 2016-cı ilin Aprel döyüşlərində qəhrəmancasına şəhid olmasının 9-cu ildönümü qeyd edilib. Masallı rayon İcra Hakimiyyətinin Başçısı Araz Əhmədovun tapşırığı ilə təşkil olunan mərasimdə rayonun rəhbər şəxsləri, şəhid ailələri və müharibə iştirakçıları iştirak ediblər. Tədbir iştirakçıları şəhidin məzarını ziyarət edib, abidə önünə qərənfillər qoyaraq onun ruhuna dualar oxumuşlar.



Allah rəhmət etsin!