BSU-da Veyplərin Zərərləri barədə Maarifləndirici Tədbir Keçirilib

Bakı Slavyan Universitetində (BSU) Azərbaycan Respublikasının Qida Təhlükəsizliyi Agentliyi (AQTA) və Səhiyyə Nazirliyi tərəfindən birgə maarifləndirici tədbir keçirilib.

Tədbirdə tələbələrə elektron siqaretlərin (veyplərin) sağlamlığa təsirləri, tərkibindəki zərərli maddələr və asılılıq yaratma potensialı barədə ətraflı məlumat verilib.

Mütəxəssislər, veyplərin parlaq rəngləri və şirin dadlarının gənclər arasında cəlbedici olduğunu, lakin bu məhsulların ciddi sağlamlıq riskləri daşıdığını vurğulayıblar.

Tədbir iştirakçıları ilə fikir mübadiləsi aparılıb və onlara sağlam həyat tərzinin əhəmiyyəti barədə tövsiyələr verilib. Bu cür maarifləndirmə tədbirləri, gənclərin sağlamlığına yönəlmiş önəmli addımlardır.