Bu gün, 17:00 0 Şou-biznes / Türkiyə

Bülent Şakrak yeni yaşını gənc sevgilisi ilə qeyd etdi

2015-ci ildə evlənən Ceyda Düvenci və Bülent Şakrak bir müddət evlilik terapiyası alaraq münasibətlərini xilas etməyə çalışsalar da, uğurlu ola bilmədilər. Cütlük qarşılıqlı razılaşma ilə yollarını ayırdı və 8 il davam edən evlilikləri 10 iyul 2023-cü ildə rəsmi olaraq sona çatdı.

Boşanmanın ardından Şakrakın bir serial setində tanışdığı Esra Akpınar ilə yaxınlaşdığı və buna görə evliliyini bitirmək istədiyi iddia edildi. Akpınar isə iddialara cavab verərək belə dedi:

“Bülentlə son 4 aydır birlikdəyik. Ceyda Düvenci ilə evliliyinin bitmə səbəbi əsla mən deyiləm.”

Lakin bu münasibət də uzun sürmədi. Şakrak çox keçmədən özündən 22 yaş kiçik Burcu Kirman ilə yeni eşqə yelkən açdı. Ancaq bu sevgi də qısa ömürlü oldu. Tanınmış aktyor altı ay əvvəl Kirmanla bağlı bütün fotolarını silərək ayrılığı elan etdi.

Bülent Şakrak daha sonra, ötən ilin may ayında 31 yaşlı ayaqqabı dizayneri Duygu Arabacıoğlu ilə münasibətə başladığını paylaşdığı foto ilə açıqladı. Şakrak və Arabacıoğlunun sevgisi hələ də davam edir və cütlük xoşbəxt pozlarını sosial şəbəkələrdə paylaşmaqda davam edir.

Son olaraq cütlük, Şakrakın 48-ci doğum günü münasibətilə gündəmə gəldi. Arabacıoğlu sevgilisinin doğum günü fotolarını romantik sözlərlə paylaşdı:

“Sən mənim başıma gələn ən xüsusi, ən gözəl şeysən… Yaxşı ki varsan! Daha çox gülüşlərimizə və birgə keçirəcəyimiz gözəl illərə.”

Şakrak isə sevgilisinə belə cavab yazdı:

“Səni sevirəm.”

Ulusum.az

Diqqət Çəkənlər