Kevin Speysi zorakılıq ittihamlarından sonra kinoya geri qaytarılmasını istədi

Aktyor Kevin Speysi Kann Film Festivalında kino və televiziya sahəsində nailiyyətlərinə görə verilən hörmət mükafatını alarkən özünü bir vaxtlar “boykot edilmiş” əfsanəvi ssenarist Dalton Tramboya bənzədib. Bu barədə TMZ xəbər verir.

Təşəkkür nitqi zamanı o, kinoya geri qaytarılmasını istədiyini işarə edib — yadda salıb ki, Kirk Daglas “Spartak” filmində kommunist meylləri səbəbindən Hollivudun qara siyahısına düşmüş Trambonun adının ekran yazılarında qeyd olunmasını tələb etmişdi.

Məlumdur ki, Trambo öz inancına görə bir il həbsdə yatıb. Onun “Cəsur” və “Roma tətili” filmlərinin ssenariləri “Oskar” mükafatı qazanıb, amma Trambo özü qara siyahı səbəbindən statuetka ala bilməmişdi.

1990-cı illərdə, Trambonun ölümündən sonra, ona rəsmi olaraq “Roma tətili” filmi üçün “Oskar” verildi.

Kevi Speysi bir neçə nəfər tərəfindən seksual təcavüzdə ittiham olunsa da, həm ABŞ, həm də Böyük Britaniya məhkəmələri onu günahkar saymayıb. Lakin qalmaqal nəticəsində o, Hollivuddakı karyerasını itirib. Ona qarşı ittihamlar 2000-2010-cu illərə aiddir, həmin dövrdə aktyor Londonun “Old Vic” teatrının bədii rəhbəri olub. İlk seksual təcavüz ittihamları 2017-ci ildə irəli sürülüb.

Ulusum.az