Zelenski sülh üçün şərtlərini açıqlayıb

"Kiyev atəşkəsə yalnız Qərb müttəfiqlərindən təhlükəsizlik zəmanətləri alarsa razı olacaq".

“Ulusum”.az xəbər verir ki, bunu Ukrayna Prezidenti Vlodimir Zelenski brifinqdə deyib.

Onun sözlərinə görə, bu, gələcəkdə silahlı münaqişənin yenidən başlamasının qarşısını almaq üçün vacibdir.

Zelenski əlavə edib: "Hər birimiz anlamalıyıq ki, atəşkəs yalnız o halda olacaq ki, Ukraynanın təhlükəsizlik zəmanətləri olacaq. Əgər bu olmayacaqsa, atəşkəs olmayacaq. Müharibə yalnız o zaman bitəcək ki, biz biləcəyik ki, sabah o yenidən başlamayacaq."

Zelenski həmçinin ABŞ ilə yeni bir saziş imzalamağın zəruri olduğunu qeyd edib. O, bu sazişin nə barədə olduğunu dəqiqləşdirməyib, amma bildirib ki, bu, nadir torpaq resursları ilə bağlı sazişin işlək vəziyyətdə olmasını təmin etməlidir.

Səidə