Boris Conson Emmanuel Makronun Brexit üçün onu “cəzalandırmağa” çalışmasından şikayətlənin

Boris Conson Emmanuel Makronun Brexit üçün onu “cəzalandırmağa” çalışmasından şikayətləndi.

Böyük Britaniyanın keçmiş baş naziri öz xatirələrində Fransa prezidentini Brexit-i sarsıtmaq üçün qanunsuz miqrasiyadan silah kimi istifadə etməkdə ittiham edib, Politico yazır.

Onun sözlərinə görə, Makron miqrantları La-Manş boğazı ilə Britaniyaya daşıyan insanlara müdaxilə etməyib, çünki Fransa lideri Brexit-i “Aİ və onun dünyaya baxışları üçün dəhşətli təhqir” kimi qiymətləndirib.

Nəşr qeyd edir ki, Conson və Makron arasında Brexit, eləcə də Ukraynadakı müharibə və digər məsələlərlə bağlı fikir ayrılıqları səbəbindən gərgin münasibətlər yaranıb.

Eltun Məmmədov