ABŞ bu qadağanı ləğv etdi

ABŞ administrasiyası Ukraynanın Azov alayına silah tədarükünə qoyulan qadağanı ləğv edib.

Ulusum.az xəbər verir ki, daha öncə alayın bəzi təsisçilərinin “irqçi, ksenofob və ultramillətçi baxışları”, habelə humanitar pozuntular ittihamı ilə Azov-a təxminən 10 il Amerika silahlarından istifadə qadağan edilib.

İndi Azov da Ukrayna Silahlı Qüvvələrinin digər bölmələri kimi Amerika silahlarına çıxış əldə edəcək.

Çünki "The Washington Post"un yazdığına görə, alay Dövlət Departamenti tərəfindən yoxlanılıb və heç bir pozuntu aşkar edilməyib.