“Vətən üçün Tavuş”un İrəvanda növbəti yürüşü - VİDEO

İrəvanın mərkəzində arxiyepiskop Baqrat Qalstanyanın rəhbərlik etdiyi “Vətən üçün Tavuş” müxalifət hərəkatının yürüşü başlayıb.

Ulusum.az xəbər verir ki, Etirazçılar bu dəfə Ermənistan Xarici İşlər Nazirliyinin binası qarşısına toplaşıblar. Etirazçılar aksiyaya mane olmayan polisin müşayiəti ilə yol boyu yürüşə başlayıblar.

Qeyd edək ki, Erməni Apostol Kilsəsinin Tavuş yeparxiyasının rəhbəri arxiyepiskop Baqratın rəhbərlik etdiyi etiraz aksiyaları Bakı ilə İrəvan arasında Tavuş vilayətində sərhədin delimitasiyasına dair razılaşmanın əldə olunması xəbərindən sonra Ermənistanda başlayıb. Əslində İrəvan Azərbaycan SSR-in tərkibində olan və 1990-cı illərdən Ermənistan tərəfindən işğal edilən 4 kəndin azad edilərək Bakıya verilməsinə razılıq verib.

“Vətən üçün Tavuş” hərəkatı Ermənistanın baş naziri Nikol Paşinyanın birtərəfli qaydada torpaqları Azərbaycana təhvil verməkdə ittiham edərək istefasını tələb edir.

Eltun Məmmədov