Depressiya başlamamışdan əvvəl beyin nə deyir?

Almaniyalı neyrobioloqlar müəyyən ediblər ki, depressiyanın başlanğıcına yaxın olan insanlarda beynin bədəmgövhər (amigdala) adlanan hissəsində boz maddənin həcmi həm sağlam insanlarla, həm də artıq depressiyadan əziyyət çəkənlərlə müqayisədə daha çoxdur. Araşdırmanın nəticələri Neuropsychopharmacology (NPP) jurnalında dərc olunub.

Bədəmgövhər — beynin emosiyalar, təşviş və yaddaş ilə əlaqəli sahəsidir. O, adətən depressiya ilə əlaqələndirilir, lakin əvvəlki tədqiqatlar bu bölgədə boz maddə həcminin azalmasını göstərmişdi — xüsusilə xəstəlik uzun müddət davam etdikdə və ya təkrar epizodlar olduqda.

Ancaq Münster Universitetinin alimləri göstəriblər ki, hələ depressiyaya düşməmiş, lakin risk altında olan insanlarda bədəmgövhərdəki boz maddənin həcmi əksinə olaraq artır. Bu hal, beyin üçün depressiyanın ilk epizoduna qarşı müvəqqəti bir zəiflik və ya həssaslıq ola bilər.

Tədqiqatda 1700-dən çox insan iştirak edib. Onların arasında sağlam könüllülər, əhval-ruhiyyə pozuntuları, təşviş və psixozlarla mübarizə aparanlar, eləcə də skanlamadan qısa müddət sonra depressiya inkişaf edən xüsusi qrup olub.

Bədəmgövhər sahəsində artımla yanaşı, gələcəkdə depressiyaya düşəcək şəxslərdə həmçinin emosiyalar və özünüidarə ilə bağlı olan digər beyin bölgələrində boz maddə həcminin azalması da müşahidə olunub. Bu dəyişikliklər artıq depressiyaya tutulmuş şəxslərdəki mənzərəyə bənzəyirdi.

Araşdırmanın müəllifləri qeyd ediblər:



Ulusum.az