Kiyev Trampın hakimiyyətdə olduğu 100 gündən niyə sevinmir?

ABŞ prezidenti Donald Trampın hakimiyyətdə olduğu ilk 100 gün Rusiya üçün bir sıra mürəkkəb məsələlərin, o cümlədən Ukrayna münaqişəsinin həlli istiqamətində yeni imkanlar açıb. Bu fikri “Gazeta.Ru” ilə söhbətində Rusiya Federasiyası Şurasının Beynəlxalq məsələlər üzrə komitəsinin sədri, diplomat Qriqori Karasin bildirib.

“Trampın mövqeyi münaqişənin mənzərəsini əhəmiyyətli dərəcədə təzələdi və son illərdə Avropa tərəfindən bəslənilən Rusiyaya qarşı ümumi nifrətin tamamilə mənasız olduğunu göstərdi. Sülh yolu ilə həll üçün şanslar yarandı, danışıqlar prosesi canlandı, Kiyevdəki neonasistlər isə bir qədər məyus oldu,” – deyə Karasin qeyd edib.

2025-ci ilin 12 fevral tarixində Donald Tramp və Rusiya prezidenti Vladimir Putin telefon danışığı apararaq şəxsi görüş haqda razılığa gəliblər. Onlar Ukrayna münaqişəsinin başa çatmasının vacibliyi ilə razılaşıblar. Bu, Trampın Ağ Evə qayıdışından sonra iki liderin ilk danışığı olub. Bundan sonra Rusiya və ABŞ rəsmiləri arasında müxtəlif səviyyələrdə bir neçə təmas baş tutub.

✍️"Ulusum".az