Alkoqol asılılığından əziyyət çəkənlər üçün mütəxəssis tövsiyəsi

Alkoqol asılılığından əziyyət çəkən insana kömək etmək üçün ona bu vərdişin ailəyə necə təsir etdiyini göstərmək lazımdır.

Ulusum.az xəbər verir ki, bunu narkoloq Andrey Türin life.ru-ya açıqlamasında deyib.

Həkimin sözlərinə görə, alkoqol problemi olan qohumla ciddi söhbətə hazırlaşmaq diqqət tələb edir. Türin bunun üçün “enmə gündəliyi” adlandırdığı üsulu məsləhət görür. Bu gündəliyə həmin şəxsin borcları, eləcə də içkinin uşaqlara və ailəyə necə təsir etdiyini göstərən faktlar daxil edilməlidir.

Türin bildirib ki, bu faktları topladıqdan sonra onun ayıq, sakit və müdafiəsiz olduğu nadir bir anı gözləmək lazımdır. Bu vaxt ittihamlara yol vermədən vəziyyətin real mənzərəsini göstərmək daha təsirli olur.

O deyir: “Qışqıraraq günahlandırmaq lazım deyil. Sakit şəkildə göstərmək lazımdır ki, xəstəlik onu və ailəni hansı nəticələrə gətirib çıxarıb.”

R.Daşdəmirova