Ülgüc və qayçı ilə hepatitə yoluxmaq mümkündür – Xəbərdarlıq

Qastroenteroloq Yekaterina Kaşux RIAМО-ya bildirib ki, hepatitə yoluxmaq başqasının ülgücündən və ya manikür qayçılarından istifadə zamanı mümkündür. Onun sözlərinə görə, əsas risk qrupuna alətlərin düzgün sterilizasiya olunmadığı gözəllik salonlarının müştəriləri daxildir.

Kaşux qeyd edib ki, bir çox insanlar hepatitin yalnız “təhlükəli həyat tərzi” sürən şəxslərə – yəni narkotik istifadəçilərinə, qeyri-peşəkar döymə və pirsinq etdirənlərə və ya qan və digər bioloji mayelərlə işləyənlərə aid olduğunu düşünürlər. Lakin bu, yanlışdır.

Həkimin sözlərinə görə, B və C hepatiti virusları yoluxmuş qan və digər bioloji mayelərlə təmas vasitəsilə ötürülür. Üstəlik, yoluxmaq üçün çox kiçik, mikroskopik miqdarda virus kifayətdir. Yoluxmanın əsas yolları arasında steril olmayan alətlərdən istifadə və qorunmasız cinsi əlaqə göstərilir. Bundan əlavə, virus yoluxmuş anadan körpəyə də keçə bilər.

Ulusum.az