Günəşin Səssiz Qatili: Yanıqlar İllər Sonra Xərçəngə Çevrilə Bilər

Günəş yanığı sadəcə müvəqqəti ağrı və qızartı ilə keçmir – əslində bu, illər sonra belə öz fəsadlarını göstərə biləcək təhlükəli bir problemdir. Həkimlər xəbərdarlıq edirlər ki, xüsusilə uşaq yaşlarında və ya gənclik dövründə tez-tez və şiddətli şəkildə günəş yanığına məruz qalan insanlarda dəri xərçəngi, xüsusən də melanoma inkişaf riski əhəmiyyətli dərəcədə artır.

Ultrabənövşəyi (UV) şüalar dəridə genetik zədələnmələrə səbəb olur. Bu zədələnmələr bəzən dərhal deyil, uzun illər sonra xərçəng hüceyrələrinin yaranması ilə nəticələnə bilər.

Ən təhlükəli vəziyyətlərdən biri də dəri hüceyrələrində görünməyən, lakin dərin toxumalarda baş verən mutasiyalardır. Xüsusilə açıq dərili, xalları çox olan və ailəsində dəri xərçəngi keçmişi olan şəxslər yüksək risk qrupuna daxildirlər.

Nə etməli?

🌤 Günəş şüalarının ən güclü olduğu saatlarda (11:00–16:00) birbaşa günəş altında qalmaqdan çəkinin.
🧴 Geniş spektrli (UVA və UVB-yə qarşı) günəş qoruyucu kremlərdən istifadə edin.
🧢 Gözlük, papaq və uzunqollu geyimlərdən istifadə edin.
🧼 Günəş yanığı halında dərini sakitləşdirən vasitələr tətbiq edin, amma mütləq həkim məsləhəti alın.
🔍 Dərinizdə yeni xallar, ləkələr və ya dəyişikliklər müşahidə edirsinizsə, dermatoloqa müraciət edin.

Unutmayın: Bir dəfəki yanıq – gələcəyinizə bilet ola bilər.

Ulusum.az